ANTÓN PATIÑO

Antón Patiño (Monforte de Lemos, 1957). Artista visual e escritor. Realizou exposicións individuais en galerías e museos de Amsterdam, Estocolmo, New York, París, Bordeus, Zürich, Stuttgart. Obras en diferentes museos: Museo Nacional Centro de Arte Reina Sofía, CGAC, MEIAC, MACBA, Artium. O seu traballo foi definido polo crítico norteamericano Donald Kuspit como “expresionista conceptual”. Actualmente está pendente de inauguración a exposición ” Caosmos” no CGAC, Santiago de Compostela.

Publicou os seguintes libros: Xeometría líquida [1992] Mapa ingrávido [1992] Caosmos [2007]. Os libros de poesía titulados “Océano e silencio” e “Teoría do riso” [2015]. Autor con Xavier Seoane do manifesto ” Hai suficiente infinito” [1999]. Publicou libros sobre Reimundo Patiño [2000] Uxío Novoneyra [2010] Urbano Lugrís [1997] e Lois Pereiro [2011]. “Escritos dun sonámbulo” (en Cabalo de Troia). “Libro dous lugares”. Os ensaios sobre teoría da imaxe: “Todas as pantallas acesas” [2017] “Manifesto da mirada” [2018] en Fórcola Edicións e “De onde veñen as imaxes” [2020] Fórcola Edicións.