ARTURO ÁLVAREZ

Acerca de

Arturo Álvarez é produto da súa historia vital. A súa infancia marcou, sen dúbida, o seu futuro como creador. A natureza exuberante da súa terra natal, Galicia no noroeste de España, de profuso bosque atlántico, ríos e mares influencioulle fortemente ao longo de toda a súa traxectoria. Desde neno comezou unha profunda relación e investigación, acerca das posibilidades dos obxectos naturais que lle ofrecía a súa contorna, fabricando e construíndo os seus propios xoguetes. Esta maneira de relacionarse e explorar o próximo segue sendo a súa forma de abordar o traballo.

A madeira e o seu avó carpinteiro, meticuloso e de espírito creativo, tamén están presentes no seu ADN.

Na actualidade Arturo Álvarez está a desenvolver novas formas de expresión e linguaxe, coa luz como fío condutor e como protagonista o ser humano e as súas relacións, coas súas luces e as súas sombras, encontros e desencontros, temas que lle preocupan e profunda a partir de diferentes técnicas e materiais.

O recoñecemento ao seu labor, de vinte e cinco anos de carreira, chegoulle en forma de prestixiosos premios internacionais e numerosos recoñecementos como un innovador no campo da luz e, especialmente, da luz emocional.

Obras

Agora

Leria

Imos

Biografía

Arturo Álvarez é deseñador, artesán e artista. A el gústalle definirse como creador, concepto que sintetiza todos os anteriores e co que sente máis cómodo e recoñecido. Autodidacta, rebelde, sempre curioso, non lle gusta impoñerse límites. Na súa traxectoria hai tres momentos definidos. Os primeiros anos explora e traballa con conceptos figurativos, baseados na natureza. Nunha segunda época avanza cara á abstracción explorando formas xeométricas simples. Sen abandonar as referencias á natureza, aparece o corpo humano, unha temática que se repite e na que segue indagando ao longo dos anos.

Catálogo

Exposiciones

Soidades das falas

XUÑO / XULLO 2017

Conversas, Encontros e Agora, son esculturas de corpos etéreos e formas curvilíneas creadas a partir de materiais como o aceiro e o cordón xaponés, proxectan, a través da luz, a forza do ser humano, a súa enerxía vital e a súa capacidade para abrirse paso como individuo ou como grupo. Arturo Álvarez explora as relacións humanas e a comunicación entre as persoas a través do xogo de luces e sombras e a expresividade das pezas en solitario e en conxunto.

As pezas de Arturo Álvarez formaron parte de exposicións en galerías e museos de arte en España, Londres, Nova York e Tokio. Premios tan recoñecidos como o “ Good Desing Award” ou o “ Best of Year” do prestixioso magazine neoiorquino Interior Design, avalan a súa traxectoria profesional.